心感覺好似跌咗落深淵咁
感覺好冷
真好想遠離這個地方
遠離唔想見到的人/事
想開開心心咁活下去
慢慢行我餘下的人生
苦惱/唔開心的嘢~~~你哋幾時可遠離我
開心的嘢~~~你哋又何時來接近我
壓制自己的情緒係一件好辛苦的事
唔想再做唔想再留低啦~~~好想走呀
好想沉睡著~~~不用理會任何嘢
咁可能會最舒服
好耐無寫 Xanga
今日要寫吓啦
今晚好開心
放工去咗學整蛋糕 ~~ 法國歌戲院
一個我想學整的蛋糕
加上細雄14/7生日, 特別為他提早送上生日蛋糕
今晚原先約咗亮, 表妹仔及細雄10:00係APM食蛋糕
點知我出咗官塘地鐵就撞見羯子
又見到Lily, 因佢接老公放工
所以我叫佢倆一齊食蛋糕
等到主角到
嘩~~由四個人變咗八個人呀
有: 我~~表妹仔~~細雄~~細雄亞妹~~亮~~亮女友~~羯子~~Lily
齊人後我哋上咗去KFC食蛋糕
大家食食笑笑好開心呀
27.5.2009
今日係陳豪生日
晚上約咗班學生同佢慶祝生日
我哋分頭出發去旺角集合
我教完鐵人班就出咗旺角等佢哋
但因我係地鐵呆坐咗成半個鐘啦
所以人都呆呆哋
令細雄同嘉恩以為我唔開心要擔心我
其實我無甚麼事的, 放心啦
細雄你問過我點解連續兩天唔開心
無錯我係有嘢唔開心, 但只係講不出, 算吧我好快無事的
我真的有好多嘢煩惱, 又有好多唔開心的嘢發生係我身邊
不過我會慢慢settle啦, 唔使擔心你媽子呀細雄
好耐無寫啦
但一寫就要寫唔開心的嘢
今日收到個壞消息
老細要我哋每星期放一天無薪假
即係只返五天工
咁放一放, 每月就唔見咗差不多二千元
最開心係我同事, 因佢多咗時間幫亞仔溫書
我係最慘, 屋企已得我一個人搵錢
現在還要減薪
吓~~為有希望可以找多D兼職做
有個好的事就係一個叫我做嘢從來唔講唔該的人
竟然這幾次叫我做嘢都會同我講唔該~~哈哈~~都算有番的安慰
Chatboard (0)